काठमाडौं । इंग्लिस क्लब न्युक्यासल युनाइटेडले एसी मिलान र इटालीका मिडफिल्डर सान्ड्रो टोनालीलाई अनुबन्ध गरेको छ । २३ वर्षीय टोनालीलेले पाँच वर्षको सम्झौतामा हस्ताक्षर गरेका हुन् । गत सिजन लिगमा चौथो हुँदै च्याम्पियन्स लिगमा छनोट भएको न्युक्यासलका प्रशिक्षक एडी होवेले च्याम्पियन्स लिग फुटबलको लागि तयारी गर्दा ग्रीष्मको पहिलो हस्ताक्षर टोनालीसँग गरेका हुन् । ५५ मिलियन पाउण्डमा आबद्ध भएका उनी महँगो इटालियन फुटबलर बनेका छन् । गत सिजन च्याम्पियन्स लिगको सेमिफाइनलमा पुग्ने टोलीको

सदस्य रहेकाटोनालीले मिलानलाई २०२१(२२ मा सिरी ए जिताउन मद्दत गरेका थिए । उनी यू२१ युरोपियन च्याम्पियनसिपमा इटालीको टोलीका सदस्य पनि थिए । टोनालीले क्लबको वेबसाइटसँग भने, ‘म सेन्ट जेम्स पार्कमा खेल्न पाउँदा साँच्चै उत्साहित छु ।’ न्यूक्यासलका मुख्य प्रशिक्षक होवेले टोनाली असाधारण प्रतिभा रहेको भन्दै उनीसँग मानसिकता, शारीरिकता र प्राविधिक विशेषताहरू रहेको बताए ।