धनगढी उपमहानगरपालिका मेयरका स्वतन्त्र उम्मेदवार गोपाल हमालको जित निश्चित भएको छ । एघार हजार मतान्तर सहित अग्रस्थानमा रहेका हमाल लाई उनका निकटम प्रतिद्वन्दी नृपबहादुर वडले जम्मा १२७७१ मत सहित पछ्याई रहेका छन् । अब जम्मा सात हजार मात्रै मत गन्न बाँकि रहेको छ । गणना गर्न बाँकि मत भन्दा हमालको मतान्तर धेरै भएकोले हमालको  जित निश्चित भएको हो ।

मुख्य निर्वाचन अधिकृतको कार्यालयले सार्वजनिक गरेको उपमहानगरपालिकाको मत परिणामअनुसार मेयर पदका स्वतन्त्र उम्मेदवार हमालले ११ हजार ७ सय ५८ मतको अग्रता लिएका छन् । अब ७ हजार ४ सय ८९ मत मात्रै गन्न बाँकी रहेका छन् ।

६३ हजार ७१५ मत खसेको धनगढीमा ५६२२६ मत गन्दा हमालले २४५२९ मत पाएका छन् । सत्ता गठबन्धनबाट उम्मेदवार बनेका नेपाली कांग्रेसका नृपबहादुर वडले १२७७१ मत प्राप्त गरेका छन् । भने नेकपा एमालेका उम्मेदवार रणबहादुर चन्दले ७३८६ मत ल्याएर तेस्रो स्थानमा छन् ।

यस्तै उपमेयरमा गठबन्धनको तर्फबाट उम्मेदवार बनेकी माओवादी केन्द्रकी शान्ति अधिकारी र एमालेकी कन्दकला रानाबीच कडा प्रतिस्पर्धा भइरहेको छ ।

अधिकारीले ११ हजार ९८९ मत पाएकी छन् । एमालेकी चन्द्रकला रानाले १२ हजार ५९४ मतका साथ लिड गरिरहेकी छिन् । र स्वतन्त्र उम्मेदवार प्रभाकर भण्डारीले ६ हजार ३११ मत पाएका छन् ।