सुनसरी । आज पार्टी पुनर्गठन भएको १ वर्ष पुरा भएको अवसरमा नेकपा एकिकृत समाजवादीले सुनसरीको क्षेत्र न ४ अन्तर्गत प्रदेश ‘क’ बाट युवा तथा विद्यार्थी नेता रमेश आचार्यलाई प्रदेश सभाको लागि सिफारिस गरेको छ ।

भोक्रहामा भएको नेकपा एकीकृत समाजवादीको प्रतिनिधि सभा क्षेत्र नं. ४ को समन्वय कमिटी प्रदेश ‘क’ र ‘ख’ को संयुक्त वैठकका संयोजक सिताराम पराजुली को अध्यक्षता ,पार्टी पोलिटव्यूरो सदस्य तथा जिल्ला इंचार्ज क।महफ़ूज़ अन्सारीको प्रमुख आतिथ्यता र केन्द्रीय सदस्य तथा सहइञ्चार्ज क।केशव तिम्सिनाको विषेश आतिथ्यता बसेको बैठकले नेता आचार्यलाई सर्वसम्मतिले सिफारिस गरेको हो ।

यसैगरि स्थापना दिवसका अवसरमा नेकपा एकिकृत समाजवादीको जिल्ला पार्टी कार्यालय सुनसरीमा साझ मैनबत्ती प्रज्वलन गरि दिपावली गर्नुका साथै नेता कार्यकर्ताहरुले शुभकामना आदान प्रदान गरेका थिए । जिल्ला सचिव बसन्त सुवेदीले एमालेबाट विद्रोह गरेपछि संगठन निमार्ण र पुनर्गठनको अभियानलाई एकवर्षमा ठुलो सफलता पाएको बताए ।

युवा माझ लोकप्रिय छवि बनाएका रमेश आचार्य प्रदेश सभामा सिफरिस भएपछि युवा नेता तथा कार्यकर्ताहरुले बधाई तथा शुभकामना ब्यक्त गरेका छन्