पोखरा, १३ चैत ।
प्रविधिमैत्री पूर्वाधारसँगै यस विषयको ज्ञान लिनसके पर्यटन क्षेत्रलाई थप व्यवस्थित गराउन सकिने बताइएको छ । पोखरा पर्यटन परिषद्ले संस्थामा आबद्ध पर्यटन व्यवसायीका लागि आयोजना गरेको दुईदिने ‘डिजिटल मार्केटिङ एण्ड सोसल मिडिया’ तालीमको समापनमा सहभागी वक्ताहरुले प्रविधिमैत्री पूर्वाधारसँगै यस विषयको ज्ञान लिनसके पर्यटन क्षेत्रलाई थप व्यवस्थित गराउन सकिने धारणा राख्नुभयो ।
सो अवसरमा नेपाल पर्यटन बोर्ड गण्डकी प्रदेशका प्रमुख प्रमुख काशिराज भण्डारीले प्रविधिले छिटो र छरितोसँगै सुशासनमा स्थापित गर्न पनि सघाउ पु¥याउने बताउनुभयो । उहाँले पछिल्लो समय पर्यटनमा सोसल मिडिया पनि निकै शक्तिशाली माध्यम बन्दै गएकाले यसको सही सदुपयोग गरेर फाइदा लिन व्यवसायीलाई आग्रह गर्नुभयो ।
नेपाल पर्यटन बोर्ड गण्डकी प्रदेशको प्रवद्र्धनमा सम्पन्न तालीममा परिषद्का संस्थाका संस्थापक अध्यक्ष अशोक पालिखेले प्रविधिको प्रयोगलाई सदुपयोग गर्नसके व्यावसायिक सफलता हासिल गर्न सकिने बताउनुभयो । कोभिड–१९ का कारणले व्यवसायमा शिथिलता आएको जनाउँदै अब प्रविधिका माध्यमबाट पोखराको पर्यटनलाई ब्राण्डिङ गर्न नवीनतम् सोचको खाँचो आँैल्याउनुभयो ।
परिषद्का उपाध्यक्ष पोमनारायण श्रेष्ठले पर्यटन व्यवसायीको क्षमता अभिवृद्धिका लागि यस तालीमले सघाउ पु¥याउने विश्वास व्यक्त गर्नुभयो । तालीमका प्रशिक्षक पारस देवकोटाले सहभागीले डिजिटल र सोसल मिडियाका बारेमा विभिन्न जिज्ञासासहित सहभागिता जनाएको बताउनुभयो । परिषद्सँग आबद्ध १२ संस्था करीब १०० पर्यटन व्यवसायी तालीममा सहभागिता रहेको थियोे ।
रासस
समाचार 
