काठमाडौं । युवा संघ नेपालका अध्यक्ष नरेश शाहीले सामाजिक संजाल फेस्बुक मार्फत मार्मिक र भाबुक स्टाटस लेखेका छ्न । शाही लेख्छन्- “बिहानै ट्रमा सेन्टरका प्रमुख मित्र डा. सन्तोष पौडेलले अक्सिजन सकिएको र सहयोगको आह्वान गर्दै फेसबुकमा सार्बजनिक अपिल गर्नु भएको छ । हामिले गर्न सक्ने सम्भावना के छ भनेर साथिहरु सग छलफल गर्याैं, यसमा ललितपुर खासगरी पाटन, मङ्गलबजार, ग्वार्को, इमाडोल एरियामा तामाको मुर्ती बनाउने थुप्रै घरहरु (ठाउँहरु) छ्न, त्यहाँ तामाको मुर्ति बनाउने कार्यमा अक्सिजन सिलिन्डरहरु प्रयोग गरिन्छ र त्यहाँ (ठूलो सङ्ख्यामा) 12/15 हजार सम्म अक्सिजन सिलिन्डर हुन सक्ने अनुमानको अनौपचारिक सुचना आयो । त्यसमा बुझ्दा त्यस क्षेत्रवाट केही आङ्सिक सिलिन्डरहरु संकलन गरेर प्रशासन लिइसकेको पनि रहेछ र अझै हजारौं सिलिन्डरहरु भएको देखिन्छ । हामी हाम्रो तर्फबाट पब्लिक सग ती सिलिन्डरहरु माग्ने प्रयास गरिरहेका छौं, तर सकिएको छैन । यो बिषय प्रहरी र प्रशासनलाई पनि जानकारी गरेका छौँ । तपाईं हाम्रा सबैका आफन्तहरु स्वयं हामी नै पनि अक्सिजन नपाएर मृत्युु हुने अबस्थामा छौं । हामी ४ सय सिलिन्डरको लागि बिदेशमा प्लेन चार्टर पठाइ रहेका छौं, हामिसगै रहेको स्रोतको जानकारी अभाब हुन पनि सक्छ । निजि घरमा रहेकै ललितपुरको यी सिलिन्डरहरु ठूलो स्रोत हुनसक्छ । पाटन, मङ्गलबजार, ग्वार्को, इमाडोल एरियामा रहनु हुने सामाजिक मन भएका महानुभावहरु यो काममा जुटौं, यतिबेला यसले देशलाई नै ठूलो राहात र सहयोग हुने छ ।
” राष्ट्रिय ट्रमा सेन्टरका कार्यकारी प्रमुख डा. सन्तोष पौडेलले अक्सिजन अभावले एक सय पाँच जना बिरामी छटपटाइरहेको भन्दै बिहान सहयोगको अपिल गरेका थिए ।
समाचार 
