न जस्ती रे, फूल जस्ती रे !
कञ्चन खोला झरनाको, मूलजस्ती रे !
म बोक्सी, म देवी, म डार्लिङ, म बेबी
यो थरीथरी नाताले
यो सुन्दरताको गाथाले
म बाँधिएकी हुँ या सजिएकी हुँ ?

माथिको यो हरफ फिल्म ‘बोक्सीको घर’को ‘बुझिनँ मैले’ गीतको हो ।महिलालाई देवी मान्ने र बोक्सीको आरोप पनि लगाउने दुवैथरी सामाजिक मान्यतालाई गीतले प्रश्न गर्छ । बोक्सी कुप्रथाको नाममा महिलामाथि हुने अन्याय, अत्याचार र उत्पीडनको कथामा फिल्म बनेको छ ।

गीतमा प्रकाश सपूतको स्वर, शब्द रचना तथा संगीत रहेको छ । गायनमा उनलाई समीक्षा अधिकारीले साथ दिएकी छन् । सुनिल क्षेत्रीको कोरियोग्राफी र भिडियो निर्देशन रहेको गीतमा अभिनेत्री केकी अधिकारीले आकर्षक नृत्य गरेकी छन् । सुलक्षण भारती र रमा थपलिया पनि गीतमा चित्रित छन् । पिपलको रुखबाट सुरु भएको गीत अँध्यारोमा कालो बिरालोलाई चित्रित गर्दै टुंगिएको छ ।