आजदेखि नयाँ बाँनेश्वरमा सञ्चालनमा आएको ‘हुमन रेस्पेक्ट नेपाल’को उद्घाटन समारोहमा पुगेका नायक धिरजले मगरले आफूले नेपाल आएदेखि नै समाजसेवा गरेको बताए । नायक धिरज मगरले समाजसेवा प्रचारबाजीमा गर्न नहुने बताएका छन् ।

उनले भने–‘मैले नेपाल आएदेखि नै सामाजिक काम गरिरहेको छु । तर, मिडियामा आएर मैले यो गरेँ त्यो गरेँ भन्ने कुरा समाजसेवा होइन जस्तो लाग्छ । कर्म भनेको निःस्वार्थ गर्ने हो । अहिलेको समयमा देखाउन पनि पर्छ होला र म त्यसलाई पोजेटिभ रुपमा नै लिन्छु । किनकी, अरुले त्यसबाट सिक्न सक्छन्, प्रभावित हुन सक्छन् । तर, म आफैले भने त्यसरी काम गरेको छैन ।’

धिरजले नेपाली फिल्म क्षेत्रको नाफाको केही प्रतिशत समाजसेवामा खर्च गर्न सकिने बताए । उनले भने–मुख्य कुरा त पहिला नेपाली निर्माता बाँच्नुपर्छ । तर, फिल्ममा काम गर्ने हरेक व्यक्तिले आम्दानीको केही न केही प्रतिशत समाजसेवामा लगाउँदा त राम्रो हुन्छ नी ।’

‘हुमन रेस्पेक्ट नेपाल’को उद्घाटन समारोहमा नायक धिरज मगर र नायिका उपासना सिंह ठकुरी पुगेका थिए । यी दुई कलाकारले फिल्म खुस्मा’मा एकसाथ काम गरिरहेका छन् ।