काठमाण्डौं । युवा व्यवसायी विजय कार्कीले हिन्दी कभर गीतबाट मोडलिङमा डेब्यु गरेका छन्। रेबल क्रिएसनले भारतीय पार्श्र्व गायक मुकेशको पुरानो चर्चित गीत ‘कही दूर जब दिन ढल जाए’माथि निर्माण गरेको कभर गीतमा कार्कीले अभिनय गरेका हुन्। कभर गीतमा गायिका जमुना शर्माले स्वर दिएकी छिन्। विभोर पोखरेलले निर्देशन गरेको कभर भिडियामा विजय गायिका जमुनासँगै फिचर्ड छन्।

विजय चर्चित गीत ‘तिम्रो मायाले बाँधेर राख’ का गायक श्याम कार्कीका भाइ हुन्। कला–संगीतप्रतिको दाइको अनुरागका कारण आफू मोडलिङतर्फबाट आकर्षित भएका थिए । उनि ‘सानैदेखि सिनेमा हेर्न र गीत सुन्न खुब रुचाउँथे,’ उनले भने, ‘त्यसमाथि घरमै दाइको संगीत रियाज। अझ शाहरुख खानको फिल्म भनेपछि हेर्नै नछुटाउने। सायद मेरो वरिपरिका यिनै परिवेश र स्वभावका कारण ममा कलाकारिताको हुटहुटी थियो। तर, व्यवसायमा लागेका कारण यता ढिलो भयो। ढिलै भए पनि आफूभित्रको अभिनय रहर प्रष्फुटन गर्ने प्रयत्न गरेको छु।’ उनले थपे ।