काठमाण्डौं । प्रेम गीत ३ नेपाली बक्स अफिसमा सफल भएलगत्तै पुनः बक्स अफिसमा तुलना सुरु भएको छ । नायक प्रदिप खड्का र अनमोल केसी बिच सुरुवात देखिनै बक्स अफिसमा प्रतिस्पर्धा हुदै आएको छ । प्रेम गति फिल्म बाट सफलता प्राप्त गरेका प्रदिप खड्काको प्रेम गीत को तिनै सिरीजले बक्स अफिसमा राम्रा ब्यापार गरेको छ । अनमोलको पनि अहिले सम्म रिलिज भएका सबै फिल्मको इनिसियल ब्यापार राम्रो रहँदै आएको छ । त्यसैले प्रदीपलाई अनमोलको प्रतिस्पर्धी मानिएको हो ।

२०७२ मा प्रेम गीत सफल भएलगत्तै प्रदीपलाई अनमोलको प्रतिस्पर्धीको रुपमा हेरिएको थियो । त्यसै बर्ष अनमोलको ड्रिम ले बक्स अफिसमा सेन्सेसनल ब्यापार गरेको थियो । त्यो अनमोलको तेस्रो फिल्म थियो, त्यस अघिका दुबै फिल्म सफल भैसकेको कारण उनको स्टार पावरले उक्त फिल्म सफल भएको मानिन्छ । अनमोलको पछिल्लो फिल्म ए मेरो हजुर ४ बक्स अफिसमा केजिएफ सँग क्ल्यासका बाबजुद पनि लगानी सुरक्षित गर्न सफल भएको थियो । यता प्रदीपको प्रेम गीत ३ ले पनि नेपाल सहित ओभरसिज मा पनि उत्साहजनक ब्यापार गरेपछि यि दुईको तुलना पुन भएको हो ।

अनमोलले ८ र प्रदिपले अहिलेसम्म ९ ओटा फिल्ममा काम गरेका छन् । प्रेम गीत पछि प्रदीपले ७ फिल्ममा काम गरेका छन् । ति सबै फिल्मको बक्स अफिस रिजल्ट यस्तो रहेको छ ।

अनमोल केसी
होस्टल : हिट
जेरी : हिट
ड्रिम : ब्लकबस्टर
गाजलु : हिट
कृ : एभरेज (बम्पर ओपनिङ)
क्याप्टेन : फ्लप
ए मेरो हजुर ३ : ब्लकबस्टर
ए मेरो हजुर ४ : हिट

प्रदिप खड्का
स्केप : डिजास्टर
ठुलो मान्छे : वास आउट
प्रेम गीत : हिट
प्रमगीत २ : सुपर हिट
लिलिबिलि : फ्लप
रोज : डिजास्टर
लव स्टेसन : फ्लप
प्रकास : फ्लप
प्रेम गीत ३ : सुपर हिट