बलिउड सेलिब्रेटीहरुमा ‘पर्सनालिटी राइट्स’ (व्यक्तित्व अधिकार)को चिन्ता बढ्दो देखिएको छ । त्यसका लागि उनीहरुले कानुनी बाटो रोज्न थालेका छन् । दुई वर्षअघि अभिनेता अमिताभ बच्चनले आफ्नो अनुमतिबिना व्यावसायिक लाभका लागि आवाज, तस्वीर र चालढाल प्रयोग भएको भन्दै अदालतमा मुद्धा हालेका थिए ।

सोसल मिडिया (फेसबुक, ट्विटर, इन्स्टाग्राम आदि), एआई र जीआईएफ तथा मीम बनाउने प्लेटफर्ममा आफ्नो आवाज र नामलाई बिना अनुमति प्रयोग गरिएको भन्दै ज्याकीले कानुनी बाटो रोजेका हुन् । उनको आवाज र हाउभाउमा विभिन्न टीभी शोहरुमा समेत कलाकारहरुले हँसाउने उद्देश्यले प्रस्तुति दिने गरेका छन् ।

दिल्ली उच्च अदालतले अमिताभ र अनिलको पक्षमा फैसला गर्दै उनीहरुको अनुमतिबिना आवाज, तस्वीर र चालढाल प्रयोग नगर्न आदेश दिएको थियो । यस्तैमा अर्का बलिउड अभिनेता ज्याकी श्राफले पनि आफ्नो व्यक्तिगत पहिचान बचाउन अदालतको ढोका ढकढकाएका छन् ।

भारतीय कानुनमा पर्सनालिटी राइट्सको सुरक्षालाई लिएर प्रष्ट रुपमा उल्लेख छैन । तर, पछिल्लो समय भारतमा यस्तो मामला धेरै आइरहेका छन् । व्यावसायिक लाभका लागि चर्चित कलाकारको आवाज, तस्वीर तथा शारीरिक हाउभाउ प्रयोग गरेर ‘डीपफेक’ सामाग्री तथा ‘मिस्लीडिङ कन्टेन्ट’ बनाउने क्रम बढेको छ । यो अहिले भारतीय कलाकारहरुका लागि चिन्ताको विषय बनेको छ ।