नायक रमित ढुंगानाले पहिलो पटक निर्देशन गरेको फिल्म ‘नमेटिने घाउ’मा पूर्व प्रधानमन्त्री माधव कुमार नेपालले पनि अभिनय गरेका छन् ।नेता नेपालले फिल्मका लागि केही संवाद समेत बोलेका छन् । यस्तै, यो फिल्ममा सांसद ज्ञानेन्द्र शाहीको पनि अभिनय छ । यो फिल्मले एसिड आक्रमणको कथालाई उठान गरेको छ ।
यो फिल्मको छायांकन नेपालका विभिन्न स्थानमा भइरहेको छ । निर्माणपक्षले फिल्मका लागि निकै मिहिनेत गरेको देख्न सकिन्छ । अब एक सातामा फिल्मको छायांकन सकिने निर्माणपक्षले बताएको छ ।
फिल्ममा पूर्व प्रधानमन्त्री केपी शर्मा ओलीको समेत अभिनय रहनेछ । नेता नेपालले अभिनय गर्दै एसिड आक्रमण गर्नेलाई कारबाही गर्ने संवाद बोले । विद्यार्थीहरूले एसिडको प्रयोगमा रोक लगाउनुपर्ने र एसिड आक्रामणकारीलाई कारवाही गर्नुपर्ने माग राख्दै गरेको प्रदर्शनमा नेता नेपालले सम्बोधन गरेको दृश्य खिचिएको हो ।
समाचार 
