४ बर्ष अघि छायांकन गरीएको फिल्म मन सँग मन आजबाट देशभर प्रदर्शनमा आएको छ । काठमाण्डौंको एक मल्टिप्लेक्समा आयोजित प्रिमियर सोमा उपस्थित अधिकांश दर्शकले फिल्मलाई सकारात्मक प्रतिक्रिया दिएका थिए ।

नायक प्रदिप खड्का र नायिका बर्षा शिवाकोटीको मुख्य भुमिका रहेको फिल्ममा नायक पल साहा र नायिका पुजा शर्माको अतिथि भुमिकामा पनि रहेको छ । फिल्ममा सिक्किम र त्यहाँ बस्ने नेपाली समुदायमा घट्ने अपराध र भेदभावलाई देखाइएको छ । कैलाश राईको निर्देशनमा बनेको फिल्मलाई अर्जुन तामाले निमार्ण गरेका हुन् । सौरभ लामाको उत्कृष्ट छायांकन रहेको फिल्ममा रामजि लामिछानेको नृत्य निर्देशन रहेको छ ।

फिल्ममा अर्जुन पोखरेल र दिपक शर्माको संगित, अर्जुन जिसीको सम्पादन तथा सत्यम रानाको भिएफ एक्स रहेको छ । फिल्मको गीतमा डेभिड शंकर, अस्मिता अधिकारी, रोहन हिंगमान र भावना थापाको स्वर रहेको छ ।

करण श्रेष्ठले फिल्मको बितरणको जिम्मा लिएका छन् ।