काठमाण्डौं । माइक्रोसफ्टका मालिक बिल गेट्सले भारतीय सुपरस्टार महेश बाबुलाई ट्विटर तथा इन्स्टाग्राममा फलो गरेका छन् । केहि दिन अघिमात्र आफ्नो छुट्टि मनाउन अमेरिका भ्रमणमा रहेका भारतीय सुपरस्टार महेश बावुले विश्वकै धनाढ्य मध्येका एक माइक्रोसफ्ट कम्पनीका मालिक बिल गेट्सलाई भेटेका थिए ।
छुट्टि मनाउन न्युयोर्क भ्रमणमा गएका महेश बावुले ट्विटरमा फोटो सेयर गर्दै विल गेट्सको प्रशंसा सहित आफ्नो खुशी ब्यक्त गरेका थिए । फोटोमा महेशको साथमा उनकी पत्नी नम्रता पनि सँगै थिइन् ।

महेशको ट्विटलाई रिट्विट गर्दै बिल गेट्सले महेश र नम्रतासँग भेटेर आफुलाई राम्रो लागेको बताएका थिए । त्यस लगत्तै बिल गेट्सले महेश बावुलाई ट्विटर र इन्स्टाग्राममा फलो पनि गरेका छन् । बिलले महेश बावुलाई फलो गरेपछि तेलुगु फिल्म उधोगमा निकै चर्चा भैरहेको छ । किनकि बिलले फलो गरेका महेश पहिलो र एक मात्र भारतीय कलाकार हुन् ।

विश्वभर आफ्नो पहिचान स्थापित गरिसकेका महेशको विश्वव्यापी फ्यान फलोईङ रहेको छ । दक्षिण भारतीय कलाकार मध्ये अमेरिकाम सबैभन्दा धेरै १ मिलियन डलर कमाई गर्ने फिल्मका सुपरस्टार हुन् महेश । उनि अब त्रिबिक्रम को निर्देशनमा बन्ने फिल्ममा काम गर्दै छन् भने त्यस पछि भारतकै सबैभन्दा ठुला निर्देशक एसएस राजमौलीको निर्देशनमा काम गर्ने छन् । जुन फिल्म हलिउड स्तरको बन्ने बताईएको छ । ८०० करोड भारुमा बन्ने फिल्मको भी एफ एक्स हलिउड स्तरको बन्ने बताईएको छ । त्यसको लागि भरखरै निर्देशक राजमौलीले फ्रान्स को विश्व प्रसिद्ध एक कम्पनिको भ्रमण समेत गरेका थिए ।