तामिल फिल्म बिक्रमले तमिल, मलयालम, तेलुगु, कण्नड साथै ओभरसिजमा ऐतिहासिक कलेक्सन गर्दै बक्स अफिसमा नयाँ रेकर्ड स्थापित गरेको छ । लोकेश कनगराज निर्देशित फिल्म बिक्रममा कमल हसन सँगै बिजय सेतुपति र फाहाद फासिलको पनि अभिनय रहेको छ ।

गत जुन ३ बाट विश्वभर प्रदर्शन भएको फिल्म बिक्रमले कमल हसनको जवरजस्त कमब्याक गराएको छ । फिल्ममले अहिलेसम्म विश्वभरबाट ३२५ करोड ब्यापार गरेको छ । जसमा फिल्मले अन्तराष्ट्रिय बजारबाट मात्रै १०४ करोडको ब्यापार गरेको छ, होम स्टेट अर्थात् तमिलनाडु बाट मात्रै फिल्मले १३२ करोड र भारतको अन्य राज्यबाट ८९ करोडको ब्यापार गरेको छ ।

फिल्म हिन्दी मार्केटमा भने साम्रो चल्न सकेको छैन । तमिलनाडु बक्स अफिसमा सर्वाधिक सफल भएको फिल्मको सिक्वेल बन्ने भएपछि फिल्म प्रति हिन्दी दर्शकको पनि चासो बड्दै गएको छ । सामाजिक सञ्जालमा दर्शकको व्यापक तारिफ पछि भने फिल्मले हिन्दी दर्शकलाई पनि आकर्षित गरेको छ ।

फिल्म बिक्रम नेपालमा भने उच्च सोजका साथ प्रदर्शन भैरहेको छ ।