आँधी तुफान निर्माण लगत्तै प्रदर्शन कुरेर बसेका लेखक तथा निर्माता मौनता श्रेष्ठको लेखन रहने अर्को फिल्म धड्कन २ निर्माणको घोषणा गरिएको छ। १६ बर्ष अघिको ब्लकबस्टर हिट फिल्म धड्कनको दोस्रो सिरिज धड्कन २ लाई पनि नरेश पौडेलले निर्देशन गर्ने भएका छन् । फिल्मले घोषण लगत्तै चौतर्फी चर्चा बटुलेको थियो, फिल्ममा २ नायक र २ नायिका रहने बताईएको छ । नायक तथा नायिकाको चाँडै टुंगो लगाएर निमार्ण टिम भदौ देखि छायाङ्कनमा जाने तयारीमा रहेको छ ।

अघिल्लो फिल्म काम गरेका सुपरस्टार नायक निखिल उप्रेती पनि दोस्रो सिरिजमा पनि रहने बताईएको छ । निखिल विना धड्कन २ बन्नै नसक्ने उनका शुभचिन्तक हरुको भनाई रहेको छ । त्यसैलाई मध्यनजर गर्दै निर्माण टिमले दोस्रो सिरिजको लागि पनि नायक निखिल उप्रेती लाई फिल्मको प्रस्ताव गरेको बताईएको छ ।

अघिल्लो सिरिजमा नायक निखिलको साथमा रेखा थापा, रमित ढुंगाना र अरुणिमा लम्सालको मुख्य अभिनय रहेको थियो ।