चर्चा र विवादसँगै गायक प्रकाश सपुतको पछिल्लो गीत ‘पीर’ ले युट्यूवमा किर्तिमानी १० मिलियन अर्थात् १ करोड भ्यूज बटुलेको छ । एक हप्तामै एक करोड पटक हेरिएको यो पहिलो नेपाली गीत हो

गत शुक्रबार मात्रै युट्यूवमा अपलोड गरिएको गीत सात दिनमै करोड क्लवमा प्रवेश गरेको छ । यसअघि छिटो करोड क्लवमा पुगेको नेपाली गीतको किर्तिमान विष्णु माझीले गएको ‘चरी जेलैमा’ को नाममा थियो । उक्त गीतले करोड भ्यूज कटाउन १२ दिन लगाएको थियो।

तर पिर गीतले समाचार तयात पार्दासम्म १ करोड २ लाख पटक हेरिएको गीतमा अहिलेसम्म करिब ४० हजार कमेन्ट आइसकेका छन् । यस्तै, गीतले एक हप्तामा पाँच लाखभन्दा बढी लाइक्स पाएको छ । यो पनि आफैंमा अभूतपुर्व हो रेकर्ड हो ।

प्रकाश सपुत रचना, संगीत र स्वर दिएको गीत भिडियोका कारण अत्यधिक चर्चा र विवादमा आएको छ । गीतको भिडियोमा माओवादी जनयुद्धले सिर्जना गरेको दुरावस्थालाई चित्रित गरिएको छ ।

माओवादी कार्यकर्ताले जनयुद्धलाई विद्रुपीकरण गरेको भनेर गीतको विरोध गरेका छन् । दर्शक÷स्रोतले भने गीत अत्यधिक रुचाएका छन् । टिकटक लगायत सामाजिक सञ्जालमा गीत निकै भाईरल भएको छ ।