गठबन्धनको तर्फबाट विराटनगर महानगरपालिकामा प्रमुख र उपप्रमुखमा उम्मेद्वार दर्ता गरेका छन् । केन्द्रको निर्णयअनुसार महानगरको मेयर कांग्रेसलाई र उपमेयर जनता समाजवादी पार्टीको भागमा परेको छ । गठबन्धन गरेकाले दलहरुले वडामा छुट्टाछुट्टै उम्मेदवारी दर्ता गराएका छन् । यसले गठबन्धन भत्कने सम्भावना बढेको छ ।
जसअनुसार मेयरमा कांग्रेसका नागेश कोइराला र उपमेयरमा जनता समाजवादी पार्टीका अमरेन्द्र यादवले उम्मेदवारी दिएका छन्। यसबाहेक कुल १९ वडा रहेको विराटनगरमा गठबन्धनभित्रका दलले वडामा छुट्टाछुट्टै उम्मेदवारी दर्ता गराएका हुन् ।
कांग्रेसले १९ वटै वडामा सेटसहित उम्मेदवारी दर्ता गराएको छ । एकीकृत समाजवादीले १६ वटा वडामा, माओवादी केन्द्रले १५ वटा वडामा सेटसहितको उम्मेदवारी दिएका छन् । त्यसैगरी जनता समाजवादी पार्टीले १६ वटै वडामा सेटसहित उम्मेदवारी दिएको छ ।
प्रकाशित : २०७९ बैशाख १३, मंगलवार
समाचार 
